I dag har eg (Espen), min pappa og hans pappa putla litt uti huset. Mål for dagen var å flikke litt på stua og kjøkkenet samt sjå om me kunne få opp gipsplater i andre etasje. Det var ikkje like enkelt som det høyrdes ut.
Andreas, pappa Åge og Jens-Tore renoverar soveromma
25. september klokka 14.00 – presis, overtok me huset vårt i Hornelandsvegen. Shelton, Jan Egil, Ruben, Christoffer, Ketil, og Andreas var innom den første helga og hjalp oss med nedriving av gulv og veggar og køyring/bæring av flyttelass. Det var flittige pausar foran Mac-ene og kaffimaskina, men det vart nokre gode arbeidstimar likevel! Etter den tid har familie og vener ellers tatt i eit tak for at me skal få flytte inn i eit nyoppussa hus nokre veker fram i tid!
Etter ein fantastisk feiring kjem det no her eindel bileter frå bryllaupet vårt, 27. juni 2009. Du kan også lese eventyret om oss som stod i festheftet. Ikkje nøl med å legge att ein kommentar på bileta!
Fleire bileter og film?
For dei av våre gjester som ynskjer tilsendt ein CD med fleire bileter og film frå bryllaupet, ver venleg å ta kontakt med oss ved å sende ein e-post til bestilling@renateogespen.com. Hugs å leggje ved namn og adresse. Telefon/mobilnummer kan også vere greitt.
Redigeringa av bileta og filmen er endå ikkje ferdig, du vil verta informert om når den vert sendt ut!
Med takk og venlege helsingar frå
Renate og Espen
21. juli 2009
Teke av Sjurd Skutlaberg.
Fyrst av alt vil me berre seie tusen takk til alle gjestane og ellers alle som gjorde dagen vår så perfekt som den vart!
Utan å seie for mykje: Gled dykk til velkomsten!
No er det ikkje så altfor lenge att til den store dagen! I følgje kalendarane våre er det fint lite tid til kino, kafébesøk og andre sosiale samankomstar dei siste dagane. No går det kun i detaljar, detaljar og detaljar.