Tida flyr når man har det kjekt!

Utan å seie for mykje: Gled dykk til velkomsten!

No er det ikkje så altfor lenge att til den store dagen! I følgje kalendarane våre er det fint lite tid til kino, kafébesøk og andre sosiale samankomstar dei siste dagane. No går det kun i detaljar, detaljar og detaljar.

Dei store viktige tinga er no på plass: Lyd, lys, brudekjole, dress og lokaler er på stell. I tillegg har me fått inn betaling frå dei aller, aller fleste som skal overnatte på skulen, og det nesten utan å purre andre plassar enn her på nettstaden vår.

Det som gjenstår er ting som festheftet (gled dykk til denne), henge opp plakatar som viser deg vegen rundt på skulen, bordkort/-dekking, pynting/blomsteroppsatsar og rett og slett få folk innlosjert…

Det vert heftige fem dagar me no tek til på, men me gler oss ubeskriveleg masse til den store dagen!

Utdritningslag

Takk til Regine og Kjell for fantastiske utdritningslag! Det kom overraskande på oss begge to, så her har forlovarane gjort ein heltemodig innsats for å lure oss vordane ektefolk. Sett vekk i frå litt skada tuppar i håret til Renate og ein stiv, støl og blå kropp hos Espen, kom begge også frå det med livet i behold.

Kva som skjedde desse dagane kjem dykk nok til å få vite under festen…

Og no: Véret

Ikkje det at det kom som ei overrasking på oss, men etter det yr.no rapporterar så vert det varmt på dagen vår. 25 grader og strålande sol!! ..er jo kanskje ikkje anna å venta når ein har bestilt finvéret halvanna år på forskudd..

Du kan med fordel stikka innom her oftere dei påfylgjande dagane. Hyppige oppdateringar i vente!